التخطي إلى المحتوى

النكته فن قديم ,بيشتهر بيه المصري المعروف بخفه دمه في الدنيا كلها . النهاردة معانا اجمل نكت ومواقف وقفشات مصرية هتضحك من قلبك بجد

واحد راكب مع مراته العربية نزل فتح لها الباب

 بتقوله قد ايه انت رومانسي النهاردة

قالها اتنيلي انزلي الباب مبيفتحش غير من برا


واحد متجوز واحده اسمها نادرة خلفت عيل سموه مهدد بالانقراض


محشش اخوه مات وعايز يقول لمرات اخوه من غير ما يصدمها

فقالها جوزك اتجوز عليكي

رقعت بالصوت وقالتله الهي يدخل عليا ميت

قال : دخلوه يا رجالة


واحد قام من النوم بيعيط مراته بتقوله
مالك يا حبيبي فيه ايه ؟

قالها حلمت ان فيه اميرة جميلة بتحاول تاخدني وتقتلك

قالتله اهدي يا حبيبي دا مجرد حلم

قالها ما هو دا اللي منكد عليا


واحده صحيت من النوم مخضوضه

جوزها سألها مالك يا حبيبتي ؟

قالتله حلمت حلم وحش … حلمت اني اترملت

قالها بعد الشر عنك يا قلبي انشالله انا وانتي لا


واحد عنده عربية قديمة وعاوز يبيعها راح قال لصاحبه

فصاحبه نصحه وقاله شيل العلامة بتاع العربية وحط علامة مرسيدس

هتتباع علي طول

عدي يومين وصاحبه راح يسأله : بعت العربية؟

قاله انت عبيط ؟!! حد يفرط في عربية مرسيدس


واحد قاعد بيتعشي في البلكونة وقال لمراته هاتي الملح

قالتله قوم انت هاته انا تعبانه مش قادرة اتحرك

فجاة تليفونها رن في المطبخ قامت جري تفتحه

لقتها رسالة من جوزها مكتوب فيها هاتي الملح معاكي


طالب محشش قاعد في فصل وعمال يضحك ومرة واحده ضحك بصوت عالي جدا

المدرسة وقفته وقالتله بتضحك علي ايه انطق؟

قالها اصلي عمال اقول لنفسي نكت بس اخر نكته دي اللي جامدة

اول مرة اسمعها


اجمل نكت ومواقف وقفشات مصرية

محشش قاعد قدام التليفزيون بيصرخ : اهرب يا حمار .. اهرب يا حمار

مراته بتسأله : بتتفرج علي عالم الحيوان ولا ايه؟

قالها لا بتفرج علي شريط فرحنا


حرامي عاوز يسرق بيت ست كبيرة …فضل مستنيها تنام لقاها مسكت المشط وبتسرح شعرها

 وتسرح

وتسرح

وتسرح

لحد ما نامت دخل بيتها ملقاش حاجه يسرقها …. نكشلها شعرها وهرب


واحده بتقول لجوزها هتجيبلي ايه في عيد ميلادي

راح واخدها علي محل كمبيوتر وقالها ايه رايك في اللاب توب الاحمر دا ؟

قالتله اه ….قالها هجيبلك مونيكير نفس اللون


مسطول راح لدكتور سنان، قاله الدكتور سنانك عاوزة تقويم، قاله المسطول: سهلة قولي بس هجري ولا ميلادي


محشش ماشي مع اخته شافت ابوهم قالتله ابويا شافنا قالها قوليله اني اخوكي


3 اغبيا واقفين في غابة واحد منهم ضرب اسد بطوبة وجري

الاسد جري ناحية الاتنين التانيين قالوله والله ما احنا


محشش اتصل علي نمرة ارضي وقال : دا بيت فلان ؟

قالوله: لا    قالهم : امال بتردوا ليه؟

موقع المفيد

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: